Komo maestro, médiko òf polis bo por dal den señalnan ku ta lanta e sospecho serka bo ku kisas tin asuntu di violensia domésiko. Por por hasi un denunsia korekto a desaroyá un plan den fase.
E ta yuda komo profeshonal pa di forma korekto hasi un denunsia. E ta ofrese tambe protekshon na e personanan di ken ta hasi denunsia.
Mèldu e Plan den fase
Na Hulanda Karibense tin falta di legislashon spesífiko relashoná ku violensia doméstiko. Esaki ta nifiká ku pa profeshonalnan ku ke denunsiá e señal- i sospechonan ei, tin mester di pèrmit di e sistema di kliente.
Na Hulanda Karibense tur profeshonal tin mester di pèrmit pa hasi denunsia. Tin eksepshon di esaki pa polis, voogdijraad i enseñansa obligatorio. Nan por hasi denunsia sin pèrmit di denunsia.
Si no ta posibel pa haña pèrmit, e ora ei e profeshonal, por start e plan den fase pa denunsia, kaminda ta apliká un kuadro di evaluashon kouteloso i ta rekerí un garantia transparente den e dosié. Esaki mester sosodé kouteloso kaminda transparensia relashoná ku e kliente ta un aktitut básiko. Un denunsiá kouteloso ta konsistí di sinku paso.
Plan den fase pa denunsiá violensia doméstiko i maltrato di mucha
Importante ora di aserkamentu di violensia doméstiko i maltrato di mucha ta ku e profeshonal ora di inventarisá i stipulá e señalnan ta konsentrá riba e echonan: loke e ta mira, tende òf di otro forma ta opservá.
NB: e profeshonal ta registrá echonan tambe ku ta kontradisí e sospecho di violensia.
Pa un interpretashon korekto di e señalnan, pa un taksashon di riesgo i pa preparashon di e kombersahon ku e kliente e profeshonal ta konsultá ku un kolega òf un funshonario di e punto di notifikashon di Guiami. E profeshonal ta pidi konseho a base datonan di kliente anónimo, a ménos ku e pidi konseho na un kolega ku ta enbolbí den e mes tratamentu òf mes ayudo na e kliente, òf si el a haña pèrmit di kliente pa e konsulta.
Un kombersashon ku e kliente ta un parti esensial di hasimentu di un denunsia kouteloso. E transparensia akí ta un obligashon hurídiko pero partikularmente un aktitut básiko importante di profeshonalnan den kan kontakto ku kliente, pa motibu ku solamente di e forma akí riba término largu por mantené konfiansa di e kliente.
Den e kombersashon akí ku e kliente:
- e profeshona ta deskribí e señal- i su preokupashonnan
- e ta invitá e kliente pa reakshoná riba esaki
- e ta splika pakiko e ta konsiderá un denunsia importante i kiko esaki ta enserá
NB: Por legumai e kombersashon ku e kliente solamente si e profeshonal tin indikashonnan konkreto ku dor di e kontakto ku e kliente por surgi un situashon insigur pa e kliente, pa su miembronan di famia òf pa su mes. Na stap 2 por pidi konseho al respekto
Pa mayoria dunadó di kuido i ayudo tin un obligashon di pèrmit (ku eksepshon di polis, voogdijraad i enseñansa obligatorio). E dunadónan di kuido i ayudo ta dal stap 4 e e plan den fase. Komokea ku denunsia ta un forma di kompartí informashon, e profeshonalnan akí in prinsipio tin mester di pèrmit pa hasi denunsia. P’esei nan tin di hasi esfuerso pa den e kombersashon ku nan tene ku e kliente, haña e pèrmit pa hasi denunsia.
Finalmente e profeshonal mester yega na un desishon si un denunsia ta nesesario pa para e violensia doméstiko òf maltrato di mucha.
Kontenido di e denunsia:
- e echonan ku ta duna motibu pa e denunsia.
- e reakshon di e kliente riba e echonan akí.
- Si e kliente a duna pèrmit òf no pa e denunsia.
- Si no tabatin kontakto ku e kliente dikon esaki no tabata posibel.
- Kiko e denunsiante ta spera di logra ku e denunsia.
NB: E profeshonal ta pone e kliente na altura di e denunsia, si no a inform’é kaba di esaki. Aki tambe ta konta ku informashon di e kliente por keda afó solamente si tin indikashonnan konkreto ku esaki por kondusí na riesgonan di siguridat konkreto pa e kliente, su miembronan di famia òf e profeshonal. Por ehèmpel si tin señalnan ku e kliente lo bira mas violento ainda kontra su víktima, ora e tende ku e víktima a pa papia ku dunadónan di ayudo òf si e profeshonal, a base di eksperensianan den pasado ku e kliente ta teme ku e kliente lo bai usa violensia kontra dje.
NB: Si pa motibu di siguridat kombersashon ku e kliente no ta posibel òf e profeshonal no haña pèrmit, e ora ei e ta konsiderá si tòg, ounke ku no tin pèrmit, mester hasi un denunsia pa asina protehé su kliente òf su miembronan di famia i referí nan na ayudo adekuado.
Mèldu e kuadro di evaluashon den e plan den fase
Un kuadro di evaluashon ta sostené e profeshonal ku tin sospecho di violensia doméstiko i/òf maltrato di mucha den stap 5 di e plan den fase violensia doméstiko i maltrato di mucha. Ta trata e ora ei di desishonnan si un denunsia ta nesesario i konsekuentemente si ta posibel pa e mes duna òf organisá ayudo (tambe).
