Kampaña di informashon tokante violensia doméstiko i maltrato di mucha tokante e tópiko bèrgwensa
Violensia doméstiko i maltrato di mucha ta tuma lugá tur kaminda, na mundu i den tur tipo di famia. Dil ku e situashon na tempu por hasi un diferensia grandi. Esaki ta posibel via mundu i e vários entidat di yudansa pero tambe via e ret sosial òf for di e víktima mes.
Kibra bèrgwensa
Bèrgwensa ta un sintimentu ku tur hende konosé. Sinembargo, ta mas poko konosí, kiko bèrgwensa por hasi ku bo, kon e ta manifestá i kon pa superá esaki, sigur en relashon ku violensia den famia.
Den un pelíkula di kuater parti, ta sigui un famia ku ta diskutí diferente ekspreshon di bèrgwensa. Den e promé parti nos ta para ketu riba e atake riba un otro persona. Den e di dos parti, nos ta mira ku e mama ta skohe pa hui di su problemanan i dikon Oscar ta skohe pa ataká un otro persona. Den e di tres parti, bo por mira e lucha di e tata den un famia i den e di kuater parti ta duna un informashon i den e komportashon di ignorá i hui, ku tambe ta un di e ekspreshonnan di bèrgwensa.
Oscar tin 10 aña i e ta biba huntu ku su ruman muhé i su mama. Su mayornan tin un relashon difísil. E komportashon di Oscar ta parse esun di su tata i su mama tin ku lucha hopi pa lidia ku esaki. Pa esaki, chék parti 1 di Bèrgwensa.
Kaminda den parti 1 Oscar a skohe pa ataká, bo ta mira den parti 2 ku e mama di Oscar ta skohe pa hui. E la skohe pa bai hasi hopi deporte pa asina e no tin mester di pensa riba su problemanan. Den e parti aki di e pelíkula, tambe ta sali na kla dikon Oscar ta tenta Vienne. Wak e parti 2 di Bèrgwensa.
Den parti 3 di Bèrgwensa bo ta mira kon tata di Oscar ta lucha ku e situashon. E ke hunga un ròl mas grandi den e famia, pero e no ta haña e oportunidat pa hasi esaki. Tambe e tin miedu ku su èks por stroba ku e tin kontakto ku su yu hòmber, ku e por usa esaki komo balor èkstra. Dor di esaki ta hopi difísil pa e buska kontakto ku su yu hòmber, di kua e ta sinti hopi falta.
Den parti 4 di Bèrgwensa bo ta mira kon e mama di Oscar ta bini na komprenshon. E ta realisá ki tipo di efekto su komportashon tin riba Oscar. No ta su intenshon pa hasié tristu. E ta primintí, meskos ku su yu muhé, ku di awor en adelante e t’ei pensa mihó tokante loke e ta bisa. Tambe e ta bai pasa mas tempu ku su famia.
Be ke wak e produkshon Bergwensa den su totalidat? Klek aki: https://youtu.be/I8g2AlIG0ys
Hopi hende ta bon kapas pa organisá su bida di manera diferente si ofres’é sufisiente rekurso. Tin bes un persona tin mester di djis un tiki enkurashamentu. Durante un aña, e kampaña lo enfoká den diferente forma riba violensia doméstiko i maltrato di mucha i e tópiko bèrgwensa.
E organisashonnan involukrá ku ta duna yudansa ta Entidat Públiko Boneiru, Sentro Akseso Boneiru, Zorg en Jeugd Caribisch Nederland, Stichting Reclassering, Mental Health Caribbean, Voogdijraad i Praktijk Ondersteuning Huisartsen. Prevenshon i informashon ta integrá den e ‘Bestuursakkoord aanpak huiselijk geweld en kindermishandeling CN’ firmá pa e Ministerio di VWS i e entidatnan públiko.
