Arte teatral ‘Kibra ku Bèrgwensa‘ riba 24 di mei benidero
Tei p’abo ta organisá e arte teatral interaktivo na Papiamentu ‘Kibra ku Bèrgwensa‘ den kolaborashon ku naradó di storia Archell Thompson. A krea e arte aki basá riba situashon real i e aktuashon ta trata di kon pa kibra ku e sintimentu di bèrgwensa.
E aktuashon interaktivo ta tuma lugá na Jong Bonaire den un instalashon doméstiko i ta aktua a base di hunga ròl rekonosibel. Den e forma teatral aki tei p’abo ke mustra orígen di bèrgwensa i kon pa kibra ku esaki.
Bo ke asistí na e arte teatral grátis aki? Tin espasio pa solamente 40 persona, pues registrá mesora pa bo sigurá un lugá.
Registrashon: rcncommunicatie@rijksdienstCN.com
Sitio: Jong Bonaire
Ki dia: 24 di mei pa 6’or di atardi
Archell Thompson di orígen ta bini di Kòrsou. Na febrüari el a presentá ku diferente mayor i mucha di Boneiru den e arte teatral ‘Show your talents‘ i na novèmber 2021 ‘Stop the beating‘. Entretantu Archel no ta un hende deskonosí na Boneiru.
Den forma di teater tei p’abo ke pone atenshon na kibra ku bèrgwensa pa hasi e tema mas visibel i diskutibel pa públiko. Huntu ku e públiko ta buska orígen di bèrgwensa, posibel solushon i tambe ta duna inspirashon na e bishitantenan kon pa atendé ku bèrgwensa.
E punto di konseho i notifikashon violensia doméstiko i maltrato di mucha, Guiami, ta skrin seguridat i huntu ku e kliente ta tuma paso pa e bolbe sintié i bolbe ta seif. Tin bia Guiami ta ofresé hende hòmber, hende muhé i mucha un lugá seif òf un “time-out”. Kada situashon ta diferente i kada situashon ta pidi un enfoke diferente.
