Maltrato di ansianonan no ta solamente maltrato físiko òf síkiko. Tambe negligensia, probechamentu finansiero i abuso seksual ta kai bou di esaki.
Maltrato di ansianonan ta sosodé den sírkulo familiar, pero por tuma lugá tambe den un instituto di kuido. Den sírkulo familiar e ta nifiká: maltrato dor di partner, eks partner, miembronan di famia òf amigunan di kas. Esaki ta un forma di violensia doméstiko. Den un instituto di kuido ta trata di maltrato dor di trahadónan den kuido.
Por papia di maltrato intenshonalmente, pero hopi bia esaki no ta e tur ora. Tin bia personanan no por mas ku kuido di nan próhimo (mantelzorg) òf di nan klientenan. Nan komportashon ta kue mal kaminda. Esaki por kondusí na kuido iresponsabel.
Rekonosé maltrato di ansiano no ta fásil tur ora. Maltrato di ansiano no ta konsistí solamente di negligensia, violensia verbal òf físiko. Sa sosodé tambe ku ta hasi mal uzo di e rekursonan finansiero di e ansiano.
Señalnan serka e ansiano
Kon e ansiano ta mustra?
- E ta mas sùf òf sin grasia (pa motibu di uzo di remedi robes)
- Tin heridanan (deskuidá), por ehèmpel dor di drumi muchu largu den kama.
- Tin (diripiente) mal higiena, manera kabei sushi òf un dentadura deskuidá
- Ta parse kansá, ta baha peso òf ta malu largu
- Ta deskubrí i hopi bia tin hamber òf ta bai leu
- Ta deshidratá, tin hopi set i doló di kabes i ta pishi tiki
- Tin plèki blou, rasku, marka òf sikatris
Kon e ansiano ta anda ku otronan?
- E tin miedu di sierto sitio òf hende
- No ke pa mishi kuné
- Ta kita kara ora di kontakto visual
Den ki situashon e ansiano ta resultá?
- E tin portanan hopi bia na yabi
- Tin debenan ineksplikabel òf retraso den pago hür
- No por splika plakanan ku a lanta
- Ta pèrdè artíkulonan balioso den kas
- Diripiente ta kambia su tèstamènt
- Ta difísil pa papia kuné so
Kon kondukta di e ansiano a kambia?
- Por konsentrá su mes ménos bon riba un tarea òf kombersashon ku sa ta e kaso
- Sin motibu kla e tin miedu, ta rabiá, konfundí òf depresivo
- E ta (diripiente) demasiado okupá òf nèt kontrali demasiado trankil
- No ta konsiderá su mes digno i ta bisa kosnan negativo di su mes òf di otronan
- Ta hasi manera no tin nada partikular ta pasando
Señalnan serka un outor
Kon e outor ta anda ku sentimentunan di e ansiano?
- Ta ignorá e ansiano òf no ta konsolá e ansiano
- Ta menasá e ansiano
- Ta zundra òf grita e ansiano
- Ta humiá e ansiano òf ta trata e ansiano manera un mucha chikitu
- Ta tene e ansiano mas tantu posibel na kas òf bira bishita bèk
- No ta enbolbí e ansiano den desishonnan ku ta afektá bida di e ansiano
Kon e outor ta trata e ansiano físikamente?
- Ta deskuidá e ansiano
- Ta tene e ansiano trankil ku (dósil robes) di remedi
- Ta mishi brutu ku e ansiano
- Ta dal, skòp òf pusha e ansiano
- Ta sera e ansiano
Kon e outor ta anda ku propiedat di e ansiano?
- Ta keda ku pòst (finansiero) pa e ansiano
- Tin hopi interes den e propiedat di e ansiano
- No ke papia tokante di e situashon finansiero di e ansiano
- Ta hòrta propiedat di e ansiano
- Ke pa pagé paso e ta yuda e ansiano
Kon e outor ta anda ku otronan?
- Ta tene dòkter i kuidadónan leu di e ansiano
- Ta bai kontra konseho di médiko- òf otro kuidadónan
- Kada bia ta bai serka otro dòkter òf hospital
- Ta bisa no kontra ayudo médiko òf mental pa e ansiano
Kon e outor ta den su kueru?
- E ta bisa ku e no por ku kuido di e ansiano
- Ta keha di e ansiano
- Ta parse kansá
- Ta keha tokante drumi malu, doló di kabes òf strès
- Ta hasi manera no ta import’é kon ta bai ku e ansiano
- Ta bisa kosnan negativo di dje mes, di otronan òf di mundu
